जळगाव येथे सुभलक्ष्मी सर्व्हिसचा १७वा वर्धापनदिन मोठ्या उत्साहात आणि थाटामाटात साजरा करण्यात आला. या कार्यक्रमात शुभलक्ष्मी दिनदर्शिकेचे अनावरण करण्यात आले, तसेच सुभलक्ष्मी ट्रेनिंग सेंटरमधून प्रशिक्षण घेतलेल्या आणि यशस्वी होऊन स्वतःच्या पायावर उभे राहिलेल्या प्रशिक्षणार्थींनी सुभलक्ष्मीचे संचालक सतीश डोळसे आणि त्यांच्या पत्नी यांचा भव्य हार घालून सत्कार केला.
प्रमुख पाहुण्यांची उपस्थिती आणि कौतुकाचे शब्द
कार्यक्रमात अनेक मान्यवर उपस्थित होते. यामध्ये जळगाव शहराचे 
इकआमदार राजू मामा भोळे, तालुका पोलीस स्टेशनचे इंचार्ज संजय गायकवाड, कॉलिटी सेल्सचे संचालक संजय मुंदडा, एमआयडीसी पोलीस स्टेशनचे वाघ आणि धमके साहेब, जळगाव सिटी पोलीस निरीक्षक शिंपी, आसोदा गावाचे पंचायत समिती सदस्य तुषार महाजन तसेच सुभलक्ष्मीचे पहिल्याच कस्टमर ठोंबरे साहेब व दिलीप चौधरी यांचा समावेश होता.
प्रमुख पाहुण्यांनी आपल्या भाषणातून सुभलक्ष्मीच्या कार्याचे कौतुक केले. सुभलक्ष्मीचे संचालक सतीश डोळसे यांच्या जीवनप्रवासावर प्रकाश टाकताना त्यांनी गरीब परिस्थितीतून कशी प्रगती साधली आणि समाजासाठी आपल्या कमाईतील १५% रक्कम सुभलक्ष्मी फाउंडेशनच्या माध्यमातून सामाजिक कार्यासाठी कशी खर्च केली, याचे विशेष उल्लेख केले.
सहकार्‍यांचा सन्मान आणि दीर्घ सेवेसाठी गौरव
सुभलक्ष्मी सर्व्हिसच्या सहकाऱ्यांच्या योगदानालाही या सोहळ्यात गौरवण्यात आले. सहकाऱ्यांच्या आईंचा साडी-चोळी देऊन सत्कार करण्यात आला. तसेच, सुभलक्ष्मी सर्व्हिसला सलग १३ वर्षे अविरत सेवा देणाऱ्या यमुना वानखेडे, सुनील तायडे आणि आवेश शेख यांचा मान्यवरांच्या हस्ते सन्मानपत्र देऊन विशेष सन्मान करण्यात आला.
सामाजिक कार्यासाठी प्रेरणादायी कार्य
सुभलक्ष्मी ट्रेनिंग सेंटरच्या माध्यमातून अनेक बेरोजगारांना प्रशिक्षण मिळाले आहे आणि त्यांना स्वतःच्या पायावर उभे राहण्यासाठी मदत झाली आहे. कार्यक्रमात पोलिस निरीक्षक शिंपी, एलसीबीचे वाघ, तालुका पोलीस स्टेशनचे गायकवाड आणि कॉलिटी सेल्सचे संचालक मुंदडा यांनी मार्गदर्शन केले आणि सुभलक्ष्मी फाउंडेशनच्या सामाजिक कार्याचे विशेष कौतुक केले.
हा सोहळा उपस्थितांना प्रेरणादायी ठरला. सुभलक्ष्मीच्या संचालकांच्या परिश्रमाची आणि सामाजिक बांधिलकीची सर्वत्र प्रशंसा झाली.
