“पत्रकारांच्या मागण्यांसाठी संवाद यात्रा: वसंत मुंडे यांची देवेंद्र फडणवीस यांच्यासोबत चर्चा”

महाराष्ट्र राज्य पत्रकार संघाचे प्रदेशाध्यक्ष वसंत मुंडे यांनी नुकतीच उपमुख्यमंत्री देवेंद्र फडणवीस यांची भेट घेतली. या भेटीत त्यांनी विधानसभा निवडणुकीतील त्यांच्या यशाबद्दल अभिनंदन केले आणि पत्रकारांच्या मागण्यांसाठी आयोजित करण्यात आलेल्या दीक्षाभूमी ते मंत्रालय पत्रकार संवाद यात्रा या उपक्रमाबाबत माहिती दिली.ही संवाद यात्रा महाराष्ट्रात पहिल्यांदाच पत्रकारांच्या मागण्यांसाठी आयोजित करण्यात आली होती आणि ती यशस्वी झाली. वसंत मुंडे यांनी या यात्रेची माहिती पुस्तिका देवेंद्र फडणवीस यांना सादर केली व पत्रकारांच्या विविध मागण्यांवर सविस्तर चर्चा केली.या चर्चेदरम्यान, फडणवीस यांनी या उपक्रमाचे कौतुक केले आणि सरकार स्थापन झाल्यानंतर पत्रकार व विक्रेता महामंडळ कार्यान्वित करण्यासह पत्रकारांच्या इतर मागण्यांवर सकारात्मक विचार करण्यात येईल, असे आश्वासन दिले.हा संवाद पत्रकारांच्या प्रश्नांवर चर्चा करण्यासाठी आणि त्यांना आवश्यक ती मदत व सुविधा पुरवण्यासाठी एक महत्त्वपूर्ण पाऊल असल्याचे फडणवीस यांनी नमूद केले.