जळगाव शहरातील इच्छादेवी चौकाजवळ झालेल्या अवैध गॅस भरणा स्फोट प्रकरणानंतर पोलीस प्रशासनात मोठे बदल करण्यात आले आहेत. या घटनेत सात जणांचा मृत्यू झाल्याने प्रशासनावर मोठ्या प्रमाणावर टीका झाली होती. परिणामी, पोलीस अधीक्षक डॉ. महेश्वर रेड्डी यांनी मोठे निर्णय घेत, काही वरिष्ठ अधिकाऱ्यांच्या बदल्या केल्या आहेत.शनिवारी एमआयडीसी पोलीस ठाण्याचे निरीक्षक दत्तात्रय निकम यांची जिल्हा नियंत्रण कक्षात बदली करण्यात आली. त्यानंतर मंगळवारी नवीन आदेश जारी करत जिल्हा विशेष शाखेचे निरीक्षक संदीप भटू पाटील यांना एमआयडीसी पोलीस ठाण्याच्या निरीक्षकपदी नेमले.आदेशांवरून चर्चा वाढलीएमआयडीसी पोलीस ठाण्याच्या पदासाठी अनेक अधिकारी इच्छुक होते. या पदासाठी जोरदार प्रयत्न सुरू होते, मात्र संदीप पाटील यांनी बाजी मारली. पाटील यांना या संवेदनशील ठिकाणी नेमून पोलिसांच्या प्रतिमेला सुधारण्याची अपेक्षा व्यक्त केली जात आहे.स्फोटामुळे प्रशासनाला धक्काइच्छादेवी चौकाजवळ महामार्गालगत अवैध गॅस भरणा करताना झालेल्या स्फोटामुळे संपूर्ण शहर हादरले होते. या घटनेनंतर तत्काळ दोन कर्मचाऱ्यांना जबाबदारीतून मुक्त करण्यात आले होते. तसेच घटनेच्या व्याप्तीमुळे प्रशासनावर मोठा दबाव निर्माण झाला.नवीन नियुक्तीमुळे एमआयडीसी पोलीस ठाण्याच्या कामकाजात सुधारणा होईल आणि शहरातील कायदा व सुव्यवस्थेची परिस्थिती अधिक मजबूत होईल, अशी नागरिकांची अपेक्षा आहे.
