स्थानिक गुन्हे शाखा, जळगाव यांनी बकरी चोरी करणारे ०३ आरोपी जेरबंद
जळगावकरांचा दिलासा पोलिसांच्या तपासाने चोरटे गजाआड
जळगाव, दि. ०९/०९/२०२५ — स्थानिक गुन्हे शाखा, जळगावच्या पथकाने मोठा यश मिळविले आहे. शनिपेठ पो.स्टे. येथे फिर्यादी नामे सैय्यद परवेज सैय्यद आसिफ (वय २६, रा. दत्त मंदीर जवळ, शनिपेठ) यांनी फिर्याद दिली की, दि. २७/०८/२०२५ रोजी त्यांचा ₹७०००/- किंमतीचा एक बोकड तसेच आवेश शेख यांची ₹६०००/- किंमतीची एक बकरी अशा कोणीतरी अज्ञात आरोपी ने चोरून नेल्याबाबत फिर्याद दिल्याने शनिपेठ पो.स्टे. येथे सीसीटीएनएस गुरनं. २१६/२०२५ भा. न्या. संहिता कलम ३०३ (२) प्रमाणे दि. ०९/०९/२०२५ रोजी गुन्हा नोंद करण्यात आला होता.
त्यानंतर मा. वरिष्ठ पोलीस निरीक्षक, श्री राहुल गायकवाड, स्थानिक गुन्हे शाखा, जळगाव यांच्या मार्गदर्शनाखाली स्थानिक गुन्हे शाखेचे पोलीस उपनिरीक्षक शरद बागल व त्यांचे पथकातील अंमलदारांनी तातडीचे तपास व छापेमारी सुरु केले. तपासात निष्पन्न करून घेण्यात आले की सदर गुन्ह्यात खालील आरोपी सहभागी आहेत:
- गणेश वासुदेव जाधव, वय २० वर्ष, रा. चिचोली ता. जि. जळगाव
- गणेश अशोक पाटील, वय २१ वर्ष, रा. चिचोली ता. जि. जळगाव
- अक्षय विजय वंजारी, वय २३ वर्ष, रा. चिचोली ता. जि. जळगाव
सदर आरोपींना ताब्यात घेऊन सखोल विचारपूस केली असता त्यांनी सदर गुन्ह्यातील बकरी व बोकड चोरी केल्याची कबुली दिली आहे. तसेच त्यांनी एमआयडीसी पो.स्टे. हद्दीतुन सुध्दा ०३ बकऱ्या चोरी केल्याची कबुली दिली आहे. गुन्ह्याचा पुढील तपास आणि दोष सिद्धीसाठी आरोपीांना शनिपेठ पो.स्टे.च्या ताब्यात देण्यात आले असून पुढील तपास शनिपेठ पो.स्टे. करीत आहे.
सदरची कारवाई ही वरिष्ठ अधिकाऱ्यांच्या मार्गदर्शनाखाली करण्यात आलेली असून, पुढील पथकाच्या नेतृत्वाखाली करण्यात आलेली आहे.पोउपनि. शरद बागल, सफौ/अतुल वंजारी, पोहेकों/प्रविण भालेराव, पोहेकों/मुरलीधर धनगर, पोहेकों/विजय पाटील, पोहेकों/अक्रम शेख, पोहेकॉ नितीन बाविस्कर, पोना/पोकों/रतनहरी गिते,/किशोर पाटील, पोकों/सिध्देश्वर डापकर, पोकों/प्रदीप चवरे, पोकॉ रविंद्र कापडणे — सर्व स्थानिक गुन्हे शाखा, जळगांव यांनी केली आहे.
स्थानिक गुन्हे शाखेच्या तक्त्यावरून मिळालेल्या माहितीनुसार ही कारवाई लोकसंरक्षण व संपत्तीच्या रक्षणासाठी त्वरित व निर्णायक पावले म्हणून घेतली गेली आहे. पोलिसांनी स्थानिक नागरिकांना विनंती केली आहे की कोणीही तसेघटक किंवा चोरीशी संबंधित कोणतीही माहिती असेल तर जवळच्या पोलीस ठाण्यात तातडीने कळवावी, ज्यामुळे पुढील गुन्हे रोखण्यास व घटनांचा जलद उलगडा करण्यास मदत होईल.
