अमळनेर तालुक्याचा गौरव! वाहन चालक ताराचंद बाविस्कर यांना उत्कृष्ट वाहन चालक पुरस्कार प्रदान

📍 अमळनेर प्रतिनिधी |

दि. 1 ऑगस्ट 2025 रोजी राज्यभरात साजऱ्या झालेल्या महसूल दिनाचे औचित्य साधत जळगाव जिल्ह्यातील विविध महसूल विभागातील उत्कृष्ट कर्मचारी आणि अधिकाऱ्यांचा गौरव करण्यात आला. यामध्ये अमळनेर तालुक्यातील उपविभागीय अधिकारी नितीन कुमार मुडांवरे यांचे विशेष वाहन चालक ताराचंद महारू बाविस्कर यांना “उत्कृष्ट वाहन चालक पुरस्कार” देऊन सन्मानित करण्यात आले. हा पुरस्कार राज्याचे पालकमंत्री गुलाबराव पाटील यांच्या हस्ते प्रदान करण्यात आला.

याच कार्यक्रमात अमळनेर तालुक्यातील इतरही अधिकारी व कर्मचाऱ्यांना उत्कृष्टतेबद्दल गौरविण्यात आले. यामध्ये:

🔸 प्रशांत धमके – नायब तहसीलदार, अमळनेर
🔸 अशोक ठाकरे – अव्वल कारकून, उपविभागीय कार्यालय, अमळनेर
🔸 विठ्ठल पाटील – मंडळ अधिकारी संवर्गातून
🔸 मुकेश शिसोदे – कोतवाल संवर्गातून
🔸 प्रविण गोसावी – पोलीस पाटील, नगाव (ता. अमळनेर)

या सर्व कर्मचाऱ्यांना त्यांच्या कार्यातील उत्कृष्ठ योगदानाबद्दल गौरव करण्यात आला असून, जिल्ह्यातून त्यांचे अभिनंदन होत आहे.

कार्यक्रमाला उपस्थित मान्यवर:

✨ पालकमंत्री गुलाबराव पाटील
✨ जलसंपदा मंत्री गिरीष  महाजन
✨ वस्त्रोद्योग मंत्री संजय सावकारे
✨ जिल्हाधिकारी श्री आयुष प्रसाद
✨ जिल्हा परिषद मुख्य कार्यकारी अधिकारी मिनल करनवाल
✨ आमदार राजूमामा  भोळे (राजूमामा)
✨ उपविभागीय अधिकारी नितीन कुमार मुडांवरे
✨ तहसीलदार रुपेश कुमार सुराणा
✨ व इतर महसूल कर्मचारी व अधिकारी

या गौरव सोहळ्यामुळे अमळनेर तालुक्यात समाधानाचे आणि अभिमानाचे वातावरण आहे. कर्मचाऱ्यांच्या निष्ठावान कार्याची पावती म्हणून मिळणारे हे पुरस्कार त्यांना अधिक प्रेरणा देणारे ठरत आहेत.