🔸 रिंगणगाव (ता. एरंडोल, जि. जळगाव) येथील १४ वर्षीय अल्पवयीन मुलाच्या खून प्रकरणात धक्कादायक माहिती समोर आली असून, हा प्रकार नरबळी असल्याचा गंभीर संशय व्यक्त करण्यात आला आहे.
आरोपींना फाशी द्या!
📌 घटनेचा तपशील:
▪️ १६ जून २०२५ रोजी संध्याकाळी ७.३० वाजता गजानन नामदेव महाजन (वय ४५, धंदा शेती, रा. रिंगणगाव) यांचा अल्पवयीन मुलगा अचानक गायब झाला होता. यावर त्यांनी एरंडोल पोलीस स्टेशन येथे तक्रार दाखल केली होती.
▪️ गु.र.क्र. ९७/२०२५ नुसार, भारतीय न्याय संहिता २०२३ चे कलम १३७(२) अंतर्गत गुन्हा दाखल करण्यात आला होता.
▪️ पोलिस निरीक्षक निलेश गायकवाड यांच्या मार्गदर्शनाखाली ग्रामस्थांच्या मदतीने शोधमोहीम राबवण्यात आली.
▪️ दुसऱ्या दिवशी **
🔴 रिंगणगाव खळबळजनक हत्या प्रकरण – अल्पवयीन बालकाचा खून नरबळीच्या संशयावरून SIT ची स्थापना
एरंडोल तालुक्यातील रिंगणगाव येथे १४ वर्षीय अल्पवयीन मुलाच्या निर्घृण हत्येमुळे परिसरात खळबळ उडाली आहे. या गंभीर प्रकरणाचा तपास अधिक सखोल व निष्पक्षरीत्या होण्यासाठी पोलीस अधीक्षक डॉ. महेश्वर रेड्डी यांच्या आदेशाने विशेष तपास पथक (SIT) ची स्थापना करण्यात आली आहे.
अपघाताचा बनाव रचून जीवे मारण्याचा प्रयत्न
🕵️ घटनेचा तपशील:
▪️ १६ जून २०२५ रोजी, गजानन नामदेव महाजन (वय ४५, व्यवसाय शेती, रा. रिंगणगाव) यांनी आपल्या अल्पवयीन मुलाच्या अपहरणाबाबत एरंडोल पोलीस ठाण्यात तक्रार दाखल केली होती. त्यानुसार गु.र.क्र. ९७/२०२५, भा.ज.सं. १३७(२) अन्वये गुन्हा दाखल करण्यात आला.
▪️ दुसऱ्या दिवशी गावाबाहेरील खर्च रोडलगत एका पडक्या शेतात झुडपांमध्ये अल्पवयीन मुलाचा मृतदेह आढळून आला. धारदार शस्त्राने गळ्यावर वार करून हत्या करण्यात आली होती.
▪️ त्यामुळे गुन्ह्यात भा.ज.सं. १०३(१), ६१(२), १४०(१), ३(५) अशी कलमे वाढविण्यात आली.
स्थानिक स्वराज्य संस्था निवडणूक
👮 २४ तासांत कारवाई:
▪️ स्थानीय गुन्हे शाखेची तीन पथके तयार करून केवळ २४ तासांत दोन आरोपींना अटक करण्यात आली. चौकशीतून रिचडीया तुकाराम कोठवले (वय २०) याचे नाव पुढे आले.
▪️ घटनास्थळ व सीसीटीव्ही फुटेजच्या आधारे नरबळीच्या संशयाची दाट शक्यता फिर्यादीने व्यक्त केल्याने, प्रकरणाचा तपास स्थानीय गुन्हे शाखेकडे वर्ग करण्यात आला.
📹 सीसीटीव्ही आणि तांत्रिक तपासात उलगडा:
▪️ तिसऱ्या आरोपीने गुन्ह्यात सहभाग नसल्याचे तांत्रिक पुराव्यांवरून स्पष्ट झाले, मात्र कृषी सेवा केंद्रातील सीसीटीव्ही फुटेजमध्ये मृत मुलाच्या मागे दिसणारा इसम – सुरेश वारसिंग बारेला (वय २५, रा. चिचाळे, ता. यावल) याला देखील पोलिसांनी अटक केली.
▪️ २४ जून २०२५ रोजी, नरबळी प्रकरणात महाराष्ट्र नरबळी विरोधी कायद्याच्या कलम ३(२) अंतर्गत गुन्हा वाढवण्यात आला.
📢 ग्रामस्थांच्या प्रमुख ५ मागण्या:
-
गुन्ह्याचा तपास स्थानीय गुन्हे शाखेकडे वर्ग करावा ✅
-
नरबळी संबंधित कलमे वाढवावीत ✅
-
सीसीटीव्हीतील दिसणाऱ्या संशयित कामगारावर कारवाई करावी ✅
-
सरकारी वकील म्हणून उज्ज्वल निकम यांची नियुक्ती करावी
-
प्रकरण फास्ट ट्रॅक कोर्टात चालवावे
यापैकी तीन मागण्या पूर्ण, तर इतर मागण्यांसाठी पोलीस प्रशासन शासनास पाठपुरावा करीत आहे.
👥 विशेष तपास पथक (SIT) ची स्थापना:
पोलीस अधीक्षक डॉ. महेश्वर रेड्डी यांच्या आदेशाने खालील SIT गठीत करण्यात आली आहे:
▪️ कविता नेरकर, अपर पोलीस अधीक्षक, चाळीसगाव (पर्यवेक्षण अधिकारी)
▪️ विनायक कोते, उपविभागीय पोलीस अधिकारी, अमळनेर (तपास अधिकारी)
▪️ जितेंद्र वल्टे, पोलीस उपनिरीक्षक, स्था. गु. शा. जळगाव (सहा. तपास)
▪️ संदीप पाटील, वरिष्ठ पोलीस निरीक्षक, स्था. गु. शा. जळगाव (सदस्य)
▪️ निलेश गायकवाड, पोलीस निरीक्षक, एरंडोल (सदस्य)
▪️ पो. ना. सचिन पाटील, एरंडोल (सदस्य)
▪️ पो. शि. राहुल कोळी, स्था. गु. शा. जळगाव (सदस्य)
📍 निष्कर्ष:
🔺 रिंगणगाव प्रकरणाचा तपास आता SIT मार्फत तात्काळ सुरू असून, जिल्ह्यातील जनतेतून न्यायाची अपेक्षा व्यक्त होत आहे.
🔺 पोलीस अधीक्षक स्वतः लक्ष ठेवून या गुन्ह्याची पातळीवर देखरेख करीत आहेत.
