महाराष्ट्रातील परभणी जिल्ह्यातील बालसा खुर्द या गावात रात्री दहा वाजेपर्यंत मतदान चालू होतं. गावात झालेलं अतिक्रमण काढून टाकण्याच्या ग्रामस्थांच्या प्रलंबित मागणीची दखल न घेतल्याने गावकऱ्यांनी मतदानावर बहिष्कार टाकला होता. सकाळी 11:00 वाजेपर्यंत गावात एकही मतदान झालं नव्हतं. जिल्हा प्रशासनाने याची गंभीर दखल घेत ग्रामस्थांना आश्वस्त केल्यानंतर दुपारी एक वाजता मतदानप्रक्रिया सुरू झाली. उशिरा सुरू झालेली ही मतदानप्रक्रिया रात्री दहा वाजेपर्यंत चालली.
