‘स्थानिक गुन्हे शाखे’ची मोठी कारवाई! ₹ २.२८ लाखांचा गांजा, मोटार सायकलसह दोन आरोपी जेरबंद

जळगाव/चोपडा: स्थानिक गुन्हे शाखेच्या (Local Crime Branch) पथकाने गुप्त माहितीच्या आधारावर मोठी कारवाई करत सत्रासेन ते चोपडा रोडवर अवैध गांजा वाहतूक करणाऱ्या दोन आरोपींना मोटार सायकलसह रंगेहाथ पकडले आहे. त्यांच्याकडून सुमारे ₹ २,२८,६४०/- किमतीचा मुद्देमाल जप्त करण्यात आला असून, त्यात ०८ किलो १२० ग्रॅम वजनाचा गांजा आणि एक होंडा कंपनीची मोटार सायकल (क्र. MP-४६-MV-२९५१) यांचा समावेश आहे.

स्थानिक गुन्हे शाखेच्या पोलीस पथकाला गुप्त बातमीदाराकडून माहिती मिळाली होती की, दोन इसम मोटार सायकलवरून सत्रासेन ते चोपडा मार्गे गांजाची वाहतूक करणार आहेत. या खात्रीशीर माहितीच्या आधारावर, स्थानिक गुन्हे शाखेचे अधिकारी, अंमलदार आणि चोपडा ग्रामीण पोलीस स्टेशनचे प्रभारी अधिकारी, पोलीस निरीक्षक श्री. मधुकर साळवे तसेच त्यांच्या अंमलदारांनी एकत्रित येऊन तातडीने कारवाईची योजना आखली.

योजनेनुसार, सत्रासेन ते चोपडा जाणाऱ्या रोडवर वाहनांची तपासणी मोहीम सुरू करण्यात आली. तपासणीदरम्यान, अवैध गांजा वाहतूक करणाऱ्या मोटार सायकलवरील दोन्ही इसमांना ताब्यात घेण्यात आले. त्यांची चौकशी केली असता त्यांनी त्यांची नावे अनुक्रमे: १. अविनाश साहेबराव ढिवरे (वय-२६, रा. खोकरी, पो.स्ट धवली, ता. वरला, जिल्हा बडवाणी) २. रोशन साहेबराव ढिवरे (वय-३१, रा. खोकरी, पो.स्ट धवली, ता. वरला, जिल्हा बडवाणी) अशी सांगितली.

आरोपींकडून खालीलप्रमाणे मुद्देमाल जप्त करण्यात आला:

जप्त केलेला एकूण ₹ २,२८,६४०/- किमतीचा मुद्देमाल हस्तगत करून दोन्ही आरोपींविरुद्ध चोपडा ग्रामीण पोलीस स्टेशन येथे CCTNS NO ०२५६/२०२५, NDPS अँक्ट २० (ब), २२ नुसार गुन्हा दाखल करण्यात आला आहे.

सदरची यशस्वी कारवाई मा. डॉ. श्री. महेश्वर रेड्डी (पोलीस अधीक्षक, जळगाव), मा. श्रीमती कविता नेरकर (अपर पोलीस अधिक्षक, चाळीसगाव परीमंडळ), मा. अण्णासाहेब घोलप (उपविभागीय पोलीस अधिकारी, चोपडा भाग), मा. श्री. राहुल गायकवाड (वरिष्ठ पोलीस निरीक्षक, स्था.गु.शा जळगाव) आणि मा. श्री. मधुकर साळवे (चोपडा शहर/ग्रामीण पो.स्टे प्रभारी) यांच्या मार्गदर्शनाखाली करण्यात आली.

या कारवाईत स.पो.नि. शेषराव नितनवरे (नेमणूक-चोपडा ग्रामिण पो.स्टे) तसेच स्था.गु.शा. जळगाव येथील पोउ.निरी. श्री जितेंद्र वल्टे, पोह. दिपक माळी, पोह. रविंद्र पाटील, पोह. विलेश सोनवणे, पोकॉ. रावसाहेब पाटील यांचा समावेश होता. तसेच चोपडा ग्रामिण पोलीस स्टेशनचे पोह. राकेश पाटील, पो.कॉ. मनेष गावीत, पोकॉ. प्रमोद पवार, पोकॉ. तिरुपती खांडेकर आणि पोकॉ किरण पारधी यांनीही कारवाईत सक्रिय सहभाग घेतला.