जळगाव, दि. 5 डिसेंबर 2024:प्रादेशिक परिवहन अधिकारी आणि एका खाजगी इसमाला लाचलुचपत प्रतिबंधक विभागाच्या (एसीबी) छत्रपती संभाजीनगर पथकाने 3 लाख रुपयांची लाच स्वीकृतीप्रकरणी रंगेहाथ पकडले आहे.प्रकरणाचा तपशील:तक्रारदार (55 वर्षीय पुरुष) यांनी नवापूर येथील सीमा तपासणी नाक्यावर नोव्हेंबर 2024 महिन्यात नियुक्ती मिळवण्यासाठी परिवहन अधिकारी दीपक अण्णा पाटील (वय 56) यांनी 3 लाख रुपयांची लाच मागितल्याची तक्रार केली होती. आरोपीने खाजगी इसम भिकन मुकुंद भावे (वय 52) यांच्यामार्फत ही रक्कम स्वीकारताना सापळा कारवाईदरम्यान पकडले गेले.कारवाईचे ठिकाण:मेहरून तलावाजवळ, फ्लॅट नं. 3, 10 लेक होम अपार्टमेंट, जळगाव येथे सापळा रचण्यात आला. तक्रारदाराकडून पंच साक्षीदारांच्या उपस्थितीत रक्कम स्वीकारताच एसीबीने दोघांनाही अटक केली.सापळा टीम:सदर कारवाईत पोलीस निरीक्षक अमोल धस आणि पोलीस उप अधीक्षक सुरेश नाईकनवरे यांच्या नेतृत्वाखालील पथकाने महत्त्वपूर्ण भूमिका बजावली. पथकात पोलीस हवालदार अशोक नागरगोजे, युवराज हिवाळे, विलास चव्हाण, सचिन बारसे, आणि सी. एन. बागुल यांचा समावेश होता.नागरिकांना आवाहन:शासकीय कामासाठी कायदेशीर शुल्काव्यतिरिक्त कोणत्याही प्रकारची लाच मागितल्यास किंवा भ्रष्टाचाराचा अनुभव आल्यास नागरिकांनी तातडीने लाचलुचपत प्रतिबंधक विभागाशी संपर्क साधावा.भ्रष्टाचार थांबवा – आपल्या हक्कासाठी लढा द्या!
