जळगाव – शहरातील एस.टी. बस स्थानकाची स्वच्छता दिवसेंदिवस बिघडत चालली आहे. प्रवाशांच्या सुविधांसाठी असलेल्या या महत्त्वाच्या ठिकाणी अस्वच्छतेचे साम्राज्य पसरले आहे. विशेषतः जिथे बसेस थांबतात, त्या मागील भागात रिकाम्या दारूच्या बाटल्या आणि कचऱ्याचा खच साचलेला दिसून येत आहे.
स्थानकात येणाऱ्या प्रवाशांसाठी ही परिस्थिती त्रासदायक ठरत आहे. प्रवाशांचे आरोग्य आणि सुरक्षिततेचा विचार करता ही गंभीर बाब आहे. स्थानिक नागरिक आणि प्रवासी यांनी वारंवार तक्रारी केल्या असल्या तरी प्रशासनाचे याकडे दुर्लक्ष होत असल्याचे चित्र आहे.
प्रशासनाने या समस्येकडे त्वरित लक्ष द्यावे आणि बस स्थानकात स्वच्छता मोहीम राबवावी, अशी मागणी प्रवासी आणि स्थानिक नागरिकांकडून होत आहे. तसेच, मद्यप्राशन करणाऱ्यांवर कठोर कारवाई करण्याची गरज आहे. योग्य देखरेख आणि स्वच्छता व्यवस्था लावून ही परिस्थिती सुधारण्याची मागणी प्रवाशांकडून होत आहे.
