इंडिया–पाक सामना LIVE, आणि घरात चालू होती सट्टेबाजी – पोलिसांची धडक कारवाई

जळगाव : स्थानिक गुन्हे शाखा, जळगाव यांनी भुसावळ शहरात इंडीया विरुद्ध पाकिस्तान क्रिकेट सामन्यावर ऑनलाईन बेटींग (सट्टा) खेळविणाऱ्या दोन इसमांवर छापा टाकून कारवाई केली आहे. या कारवाईत १ लाख ५ हजार रुपयांचा मुद्देमाल हस्तगत करण्यात आला असून, आरोपींवर भुसावळ बाजारपेठ पोलीस ठाण्यात गुन्हा दाखल करण्यात आला आहे.

दि. २१ सप्टेंबर २०२५ रोजी स्थानिक गुन्हे शाखेचे पोउपनि. शरद बागल आणि त्यांच्या पथकातील अंमलदार यांना गुप्त माहिती मिळाली होती की, भुसावळ बाजार पोलीस ठाण्याच्या हद्दीत प्रकाश हुंदामल सारडा (रा. नवजीवन सोसायटी, सिंधी कॉलनी, भुसावळ) हा आपल्या राहत्या घरी ऑनलाईन क्रिकेट बेटींगचा व्यवसाय करीत आहे.

सदर माहिती वरिष्ठ पोलीस निरीक्षक श्री. राहुल गायकवाड (स्थागुशा, जळगाव) यांना कळविण्यात आली. त्यांच्या मार्गदर्शनानुसार पथकाने पंचांसह छापा टाकला असता, तेथे

• प्रकाश हुंदामल कारडा, वय ५५ वर्षे, रा. सिंधी कॉलनी, भुसावळ
• रणजीत चत्रभान हंडी, वय ३५ वर्षे, रा. गणपती नगर, जळगाव

हे इसम ऑनलाईन पद्धतीने इंडिया विरुद्ध पाकिस्तान क्रिकेट सामन्यावर सट्टा खेळविताना मिळून आले. त्यांच्या जवळून ऑनलाईन बेटींगसाठी वापरण्यात येणारे साहित्य व एकूण ₹१,०५,०००/- किंमतीचा मुद्देमाल जप्त करण्यात आला.

सदर प्रकरणी भुसावळ बाजारपेठ पोलीस ठाण्यात सीसीटीएनएस गु.र. नं. ४५८/२०२५ महाराष्ट्र जुगार अधिनियम कलम ४, ५ अन्वये गुन्हा नोंदविण्यात आला आहे. ही कारवाई मा. पोलीस अधीक्षक सो. जळगाव डॉ. महेश्वर रेड्डी, मा. अपर पोलीस अधीक्षक श्री. अशोक नखाते, मा. उपविभागीय पोलीस अधिकारी भुसावळ उपविभाग श्री. संदीप गावीत, वरिष्ठ पोलीस निरीक्षक स्थागुशा जळगाव श्री. राहुल गायकवाड यांच्या मार्गदर्शनाखाली करण्यात आली.

कारवाईत पोउपनि. शरद बागल, श्रे. पोउपनि. रवि नरवाडे, पोहेकॉ उमाकांत पाटील, पोना. विकास सातदिवे, पोकॉ राहुल वानखेडे, प्रशांत परदेशी, मपोकों. दर्शना पाटील, चा. पोहेकों. भरत पाटील सर्व स्थागुशा, जळगाव यांनी सक्रिय सहभाग घेतला.

👉 या कारवाईमुळे भुसावळ शहरात क्रिकेट सामन्यांवर सुरू असलेले ऑनलाईन बेटींगचे धंदे उघड झाले असून, पुढील तपास सुरू आहे.