जळगाव : मेहतर समाजाचे आराध्य दैवत श्री रामदेवजी बाबा दशमी व उपवास सांगता सोहळा उत्साहात
जळगाव (दि. 2 सप्टेंबर 2025) – जळगाव शहरातील मेहतर समाजाच्या आराध्य दैवत श्रीरामदेवजी बाबांचा दशमी व सव्वा महिन्याच्या उपवासाची सांगता सोहळा मोठ्या भक्तिभावात आणि उत्साहात पार पडला. गुरुनानक नगर, ममूराबाद रोड येथील हनुमानजी मंदिरात यावेळी महाप्रसाद व भंडारा आयोजित करण्यात आला होता.
भंडाऱ्यापूर्वी दुपारी बरोबर 12 वाजता श्रीरामदेवजी बाबांची महाआरती संपन्न झाली. या आरतीचे पूजन मा. श्री भैया साहेब शिवचरण जी ढंडोरे यांच्या हस्ते तसेच शनिपेठ पोलिस स्टेशनचे मा. पोलिस निरीक्षक कावेरी कमलाकर आणि पोलिस कर्मचारी योगेश साळवे यांच्या हस्ते करण्यात आले.
आरतीनंतर भंडाऱ्याचा कार्यक्रम सुरू झाला. शहरातील विविध भागातून मेहतर समाजातील भाविकांनी या कार्यक्रमाला हजेरी लावली. कार्यक्रमादरम्यान भक्तिगीते, भजन व श्रीरामदेवजी बाबांच्या जयघोषाने परिसर दुमदुमून गेला.
या प्रसंगी समाजातील मान्यवर, कार्यकर्ते आणि युवक मोठ्या संख्येने उपस्थित होते. त्यामध्ये प्रेम पवार, कन्हैया जाधव, नंदलाल गोडाले, राजेश चावरिया, राम भैया पवार, पवन जाधव, कुणाल पवार, राहुल पवार, वीनू पवार, अॅड. विशाल रील, शुभम पवार, अजय अटवाल, सोनू चिरावंडे यांचा विशेष सहभाग होता.
कार्यक्रमाचे यशस्वी आयोजन समाजातील युवकांनी केले असून, भाविकांना भंडाऱ्याचा महाप्रसाद वाटप करण्यात आला. या निमित्ताने मेहतर समाजाच्या एकतेचा आणि श्रद्धेचा अनोखा जागर पाहायला मिळाला.
