रोटवत येथील विधवा सुनेस सासू, सासरे व कुटुंबीयांनी मंगळवारी मारहाण केली. ही तक्रार देण्यासाठी सदर महिला नेरी दूरक्षेत्रात गेली असता तेथून जामनेरला पाठवण्यात आले. प्रियंका पवार यांनी मंत्री गिरीश महाजन यांच्या निवासस्थान गाठले. त्या ठिकाणी माजी नगराध्यक्ष साधना महाजन यांची भेट घेऊन कैफियत मांडली. महाजन यांनी पोलिस निरीक्षक किरण शिंदे यांना फोन करून लक्ष घालण्याची सूचना केली. त्यानंतरही पोलिसांकडून टोलवाटोलवी केली जात असल्याचे आरोप पवार यांनी पत्रकारांशी बोलताना केले.
