जळगाव | प्रतिनिधी
डॉक्टर्स डे निमित्त जळगाव शहरात 1 जुलै 2025 रोजी “एचसीजी मानवता कॅन्सर हॉस्पिटल”, “निमा डॉक्टर असोसिएशन वुमन्स फोरम” आणि “रेड स्वस्तिक सोसायटी” यांच्या संयुक्त विद्यमाने भव्य आणि प्रेरणादायी कार्यक्रमाचे आयोजन करण्यात आले. हा कार्यक्रम हॉटेल के पी प्राईड येथे पार पडला असून शहरातील अनेक मान्यवर डॉक्टर, सामाजिक कार्यकर्ते व आरोग्य सेवक उपस्थित होते.कार्यक्रमात कॅन्सर आजाराविषयी जागृती निर्माण करण्यासाठी विविध उपक्रम राबविण्यात आले. विशेषतः तोंडाचा कॅन्सर (ओरल कॅन्सर) यासंदर्भात कॅन्सर तज्ञ सर्जन डॉ. अनिरुद्ध यांनी उपस्थितांना सखोल मार्गदर्शन केले. त्यांनी तंबाखू, गुटखा आणि अशा व्यसनांमुळे होणाऱ्या कॅन्सरचा धोका व त्यापासून बचावासाठी घ्यावयाची काळजी याबाबत मोलाचे मार्गदर्शन केले.

आकाशातून अचानक १६ किलोचा धातूचा तुकडा पडला!

या वेळी मागील वर्षभर वैद्यकीय क्षेत्रात केलेल्या उल्लेखनीय कार्याबद्दल डॉ. शरयू विसपुते आणि डॉ. माधुरी कासट यांचा विशेष सन्मान करण्यात आला. त्यांच्या सामाजिक योगदानाची उपस्थितांनी टाळ्यांच्या कडकडाटात प्रशंसा केली.

एचसीजी मानवता कॅन्सर हॉस्पिटलचे सीनियर मॅनेजर राहुल सूर्यवंशी यांनी आपल्या भाषणात हॉस्पिटलमधील आधुनिक उपचार पद्धती (मॉडेलिटीज), उपकरणे आणि सेवा यांची माहिती दिली. तसेच कॅन्सर प्रतिबंधासाठी जळगाव शहरात विविध ठिकाणी मोफत स्क्रीनिंग कॅम्प व कॅन्सर जनजागृती उपक्रम राबवले जात असल्याची माहिती दिली. त्यांनी कॅन्सरशी संबंधित कोणतीही माहिती किंवा मदतीसाठी नागरिकांनी 86 68 76 69 28 या हेल्पलाइन नंबरवर संपर्क साधावा, असे आवाहन केले.

गावोगावी मोफत उपचारांची यादी प्रसिद्ध

कार्यक्रमास विशेष आकर्षण ठरले ते म्हणजे ‘मन भवन एफएम’ रेडिओ चॅनेलचा सहभाग. रेडिओ जॉकी शुभांगी बडगुजर आणि प्रा. संदीप केदार यांनी डॉक्टरांच्या अनुभवांवर आधारित विशेष मुलाखती घेतल्या. त्यामुळे कार्यक्रमाला वेगळे स्वरूप लाभले.

रेड स्वस्तिक सोसायटीच्या वतीने डॉक्टर गणेश पाटील यांनी संस्थेच्या कार्याची माहिती दिली. त्यांनी आपत्कालीन परिस्थितीत देण्यात येणाऱ्या मदतीविषयी आणि सामाजिक कार्याबद्दल सांगितले.

कार्यक्रमात मनीषा चौधरी, डॉ. क्षितिज भालेराव तसेच नारी शक्ती बहुउद्देशीय संस्थेच्या पदाधिकाऱ्यांनी सहभाग घेतला. कार्यक्रमाचे यशस्वी आयोजन आणि समन्वय निमा डॉक्टर असोसिएशन वुमन्स फोरमच्या अध्यक्षा डॉ. माधुरी कासट यांनी केले. कार्यक्रमाच्या शेवटी त्यांनी सर्वांचे आभार मानले आणि अशा उपक्रमांमधून समाजात आरोग्याविषयी जागरूकता वाढावी, असे मत व्यक्त केले.

एकूणच हा कार्यक्रम डॉक्टर्स डे च्या निमित्ताने केवळ साजरा होणारा सोहळा न राहता, समाजासाठी आरोग्यदायी संदेश देणारा महत्त्वपूर्ण उपक्रम ठरला.

छगन भुजबळ यांच्या निधनाची बनावट बातमी सोशल मीडियावर व्हायरल;