देवेंद्रांशिवाय राज्य मंत्रिमंडळाच्या बैठकीला सुरूवात, फडणवीस दिल्लीला रवाना, हालचाली वाढल्या
लोकसभा निवडणुकीत महाराष्ट्रात भाजपला मोठा धक्का बसला. सन २०१९च्या तुलनेत भाजपला १४ जागांचा फटका बसला. अगदी २३ खासदारांवरून भाजपची गाडी नऊ खासदारांवर घसरली. महाराष्ट्रात भाजपच्या अपयशानंतर देवेंद्र फडणवीस यांनी सरकारमधून बाहेर राहून पूर्णवेळ संघटनेत काम करण्याची इच्छा व्यक्त केली. राज्यातील भाजप नेत्यांनी समजूत काढल्यानंतरही फडणवीस त्यांच्या निर्णयावर ठाम होते. गुरूवारी दुपारी त्यांनी नागपूरवरून थेट दिल्लीसाठी उड्डान केले.
लोकसभा निवडणुकीतील दारूम पराभवानंतर ‘सरकारमधून मला मोकळे करावे, जेणेकरून संघटनेसाठी काम करण्यास वेळ मिळेल. लोकसभेला ज्या कमतरता राहिल्या त्या आगामी निवडणुकीत भरून काढीन, अशी आपण भाजपच्या शीर्षस्थ नेतृत्वाला विनंती करणार आहोत,’ असे सांगून राज्याचे उपमुख्यमंत्री देवेंद्र फडणवीस यांनी उपमुख्यमंत्रिपदाच्या राजीनाम्याची तयारी दाखवली. गुरूवारी त्याच दिशेने एक पाऊल पुढे टाकून त्यांनी नागपूरवरून दिल्ली गाठली. भाजप नेते अमित शाह यांच्या भेटीसाठी ते दिल्लीला गेल्याची माहिती आहे. आजच्या बैठकीत चर्चा करून ते राजीनाम्यासंदर्भात निर्णय घेण्याची शक्यता आहे.
लोकसभा निवडणुकीत महाराष्ट्रात भाजपला मोठा धक्का बसला. सन २०१९च्या तुलनेत भाजपला १४ जागांचा फटका बसला. अगदी २३ खासदारांवरून भाजपची गाडी नऊ खासदारांवर घसरली. महाराष्ट्रात भाजपच्या अपयशानंतर देवेंद्र फडणवीस यांनी सरकारमधून बाहेर राहून पूर्णवेळ संघटनेत काम करण्याची इच्छा व्यक्त केली. राज्यातील भाजप नेत्यांनी समजूत काढल्यानंतरही फडणवीस त्यांच्या निर्णयावर ठाम होते. गुरूवारी दुपारी त्यांनी नागपूरवरून थेट दिल्लीसाठी उड्डान केले.
राज्यातील देवेंद्र फडणवीस गट नाराज?
महाराष्ट्र भाजपचा झालेल्या दारूण पराभवानंतर राज्यातील नेत्यांमध्ये मोठी अस्वस्थता आहे. तसेच सत्तेतील साथीदार असलेले एकनाथ शिंदे आणि अजित पवार यांच्या पक्षातील समन्वयाबाबतच्या देखील अनेक तक्रारी आहेत. तसेच देवेंद्र फडणवीस यांच्याविरोधात जाऊन केंद्रीय पातळीवरील नेत्यांनी सत्तेसाठी काही तडजोडी केल्याने फडणवीसांचा गट कमालीचा नाराज आहे. त्यापेक्षा सरकारच्या बाहेर राहून संघटनेत काम करावे, अशा विचारापर्यंत देवेंद्र फडणवीस आल्याची माहिती आहे.
फडणवीस म्हणाले, मला मोकळे करा, अमित शाह काय निर्णय घेणार?
गुरूवारी संध्याकाळी देवेंद्र फडणवीस हे अमित शाह यांची भेट घेतील. सरकारबाहेर राहून संघटनेसाठी काम करण्याचा मनोदय ते शाहांसमोर बोलून दाखवतील. मात्र देवेंद्रांशिवाय सरकार भाजप नेतृत्वाला कितपत पटेल, त्यापेक्षा केवळ शिंदे-अजित पवारांकडे सरकारच्या चाव्या भाजप नेतृत्व ठेवणार नाही, हे देखील तितकेच खरे असल्याचे राजकीय जाणकार सांगतात.
