आरोग्य क्षेत्रातील उल्लेखनीय कार्यासाठी जितेंद्र पाटील यांना ‘आरोग्यदूत सेवारत्न’ पुरस्कार जाहीर
आरोग्यम् धनसंपदा फाउंडेशनचे अध्यक्ष श्री जितेंद्र केवलसिंग पाटील यांना आरोग्य क्षेत्रातील उल्लेखनीय कार्याबद्दल ‘आरोग्यदूत सेवारत्न पुरस्कार’ जाहीर करण्यात आला आहे. शिवशंभु संघटना, महाराष्ट्र राज्य यांच्या वतीने दिला जाणारा हा सन्माननीय पुरस्कार शुक्रवार, ७ मार्च २०२५ रोजी घोषित करण्यात आला.
सदर पुरस्कार सोहळा शिवशंभु संघटनेचे संस्थापक अध्यक्ष श्री महादेव पवार साहेब यांच्या पुढाकाराने किल्ले तोरणा येथे आयोजित करण्यात आला आहे.
समाज आणि राष्ट्रसेवेसाठी अनमोल योगदान
श्री जितेंद्र पाटील यांनी समाज ऋण व राष्ट्र ऋण फेडण्याच्या उद्देशाने आरोग्य क्षेत्रात भरीव योगदान दिले आहे. त्यांच्या कार्यामुळे समाजात राष्ट्राभिमान जागृत होण्यास मदत होत असून, त्यांचा हा सन्मान समाजहितासाठी प्रेरणादायी ठरणार आहे.
कोरोना काळातील सेवाकार्य आणि उल्लेखनीय उपक्रम
श्री जितेंद्र पाटील यांनी कोरोनाच्या कठीण काळात पुढाकार घेत मोफत अन्नधान्य वाटप, जेवण व्यवस्था, मोफत आरोग्य शिबिरे, रक्तदान शिबिरे, अल्प दरात रुग्णवाहिका सेवा, अनाथ आश्रमातील मुलांसाठी जीवनावश्यक वस्तूंचे वाटप, तसेच अपंगांसाठी जयपूर फूट, कॅलिपर व सायकल वाटप असे अनेक सामाजिक उपक्रम राबवले.
१५० हून अधिक राष्ट्रीय व ५ आंतरराष्ट्रीय पुरस्कारांचे मानकरी
त्यांच्या सामाजिक कार्याची दखल घेत राष्ट्रीय आणि आंतरराष्ट्रीय स्तरावर १५० हून अधिक पुरस्कारांनी त्यांना सन्मानित करण्यात आले आहे. शिवशंभु संघटनेच्या मान्यवरांनी हा पुरस्कार योग्य व्यक्तीला मिळाल्याची भावना व्यक्त करत त्यांचे अभिनंदन केले व त्यांच्या भावी वाटचालीसाठी शुभेच्छा दिल्या.
