जामनेर येथे आज राष्ट्रवादीचे अध्यक्ष तथा ज्येष्ठ नेते शरद पवार यांचा रावेर लोकसभा मतदारसंघातील उमेदवार श्रीराम पाटील यांच्या प्रचारार्थ कार्यकर्त्यांचा मेळावा घेण्यात आला. या मेळाव्यात श्रीराम पाटील यांनी उपस्थित मान्यवरांचे नाव घेतले. मात्र रावेर विधानसभेचे आमदार शिरीष चौधरी यांच्या नावाचा विसर पडला. जळगाव जिल्ह्यात सध्या उमेदवार आणि कार्यकर्त्यांमध्ये आरोप आरोप-प्रत्यारोपांच्या फेरी बघायला मिळत आहे.
आज श्रीराम पाटील यांच्या प्रचारार्थ राष्ट्रवादी शरचंद्र पवार पक्षाचे अध्यक्ष तथा ज्येष्ठ नेते शरद पवार हे आज जामनेर येथे दाखल झाले होते. त्यांनी या ठिकाणी कार्यकर्त्यांचा मेळावा घेतला. या कार्यकर्त्यांच्या मेळावा श्रीराम पाटील यांनी आमदार शिरीष चौधरी यांचे नाव घेणे टाळले. रावेर लोकसभेत महाविकास आघाडीचे उमेदवार श्रीराम पाटील यांनी व्यासपीठावर त्यांच्या भाषणाला सुरुवात करण्यापूर्वी व्यासपीठावरील सर्व प्रमुख पदाधिकारी आणि मान्यवरांचे नाव घ्यायला सुरुवात केली. मान्यवरांची नावे संपूर्ण घेतल्यानंतर त्यांनी त्यांच्या भाषणाला सुरुवात केली.
मात्र आमदार शिरीष चौधरी त्यांच्या पाठीमागे बसले होते. तर चौधरी एका कार्यकर्त्याला बोलवून सांगितले की माझे नाव घेतले नाही. तेव्हा सर्वात शेवटी ज्येष्ठ आमदाराचे नाव घेण्यात आले. कार्यकर्त्याने श्रीराम पाटील यांच्या कानात आमदार चौधरी यांचे नाव घेण्यासाठी सांगितले. त्यावर पाटील यांनी माफी मागून सर्वात शेवटी जेष्ठ म्हणून काँग्रेसचे आमदार चौधरी यांचे नाव घेतल्याने काँग्रेसच्या पदाधिकारी आणि कार्यकर्त्यांमध्ये नाराजीचा सूर लागला होता.
आधीच श्रीराम पाटील यांना राष्ट्रवादी शरद पवार गटाकडून उमेदवारी जाहीर झाल्यानंतर माजी आमदार संतोष चौधरी तसेच जिल्हाध्यक्ष रवींद्र पाटील हे नाराज असल्याच्या चर्चा सुरू आहे. मात्र त्यांची नाराजी जरी दूर झाली असली तरी आतून ते नाराजच असल्याचे कार्यकर्त्यांमध्ये बोलले जात आहे. जळगाव जिल्ह्यात एकमेव काँग्रेसचे रावेर विधानसभेतून आमदार चौधरी हे निवडून आले आहे. शिरीष चौधरी हे ज्येष्ठ आमदार म्हणून त्यांचा जळगाव जिल्ह्यात परिचय आहे. या ज्येष्ठ आमदारांचे नाव सर्वात शेवटी घेतल्याने आमदार शिरीष चौधरी यांनी देखील नाराजी व्यक्त केली आहे
