जळगाव, दि. 20 जून 2025 काल जळगाव दौऱ्यावर आलेल्या महाराष्ट्र राज्याचे मा. मुख्यमंत्री श्री. देवेंद्र फडणवीस यांचा महाराष्ट्र राज्य मराठी पत्रकार संघातर्फे विशेष सत्कार करण्यात आला.
या सत्कारप्रसंगी डिजिटल माध्यमासाठी सरकारने घेतलेल्या ऐतिहासिक निर्णयाबद्दल त्यांचे मनःपूर्वक आभार मानण्यात आले. मुख्यमंत्री फडणवीस यांना शाल, गुलाब पुष्प व आभार पत्र देऊन त्यांचे कौतुक करण्यात आले.
🗣️ या वेळी बोलताना पत्रकार संघाचे राज्य कार्याध्यक्ष प्रविण सपकाळे यांनी सांगितले की,
> “सरकारने घेतलेला हा निर्णय मराठी डिजिटल पत्रकारितेला नवसंजीवनी देणारा आहे. त्यामुळे डिजिटल माध्यमातून कार्यरत असलेल्या असंख्य पत्रकारांना अधिक सक्षम, सुरक्षित आणि सन्मानित व्यासपीठ मिळेल. हा निर्णय डिजिटल पत्रकारांचे हित जोपासणारा ठरेल याबाबत आम्हाला ठाम विश्वास आहे.”
या कार्यक्रमाला उत्तर महाराष्ट्र अध्यक्ष सचिन गोसावी यांची विशेष उपस्थिती होती. त्यांनी देखील हा निर्णय स्वागतार्ह असून पत्रकारांसाठी एक महत्त्वाचा टप्पा असल्याचे नमूद केले.
📸 कार्यक्रमानंतर पत्रकारांसोबत मुख्यमंत्री देवेंद्र फडणवीस यांचे संवाद साधण्यात आला. त्यांनीही पत्रकार संघाच्या कार्याबद्दल समाधान व्यक्त केले आणि सरकारकडून भविष्यातही सकारात्मक पावले उचलली जातील असे आश्वासन दिले.
✍️ प्रविण सपकाळे
राज्य कार्याध्यक्ष, महाराष्ट्र राज्य मराठी पत्रकार संघ, मुंबई
