गुढीपाडव्याच्या शुभमुहूर्तावर जळगाव शहरातील प्रभाग क्रमांक 12 मध्ये रस्त्यांच्या काँक्रीटीकरणाचे भूमिपूजन सोहळा पार पडला

जळगाव (दि.३०/०३/२०२५)- हिंदू नववर्षाची सुरुवात गुढीपाडव्याच्या मंगलदिनी होते. या पावन दिनी नवीन कार्याचा शुभारंभ करण्याची परंपरा आहे. यंदा या शुभदिनी जळगाव शहराच्या विकासाला चालना देणारे महत्त्वाचे पाऊल उचलण्यात आले. शहरातील प्रभाग क्रमांक 12 मध्ये रस्त्यांचे काँक्रीटीकरण करण्याचा प्रकल्प हाती घेण्यात आला असून, त्याचे भूमिपूजन गुढीपाडव्याच्या शुभमुहूर्तावर करण्यात आले.

जळगाव शहरात रस्त्यांची अत्यंत वाईट अवस्था असून नागरिकांना मोठ्या त्रासाला सामोरे जावे लागत आहे. या पार्श्वभूमीवर प्रभाग क्रमांक 12 मध्ये शिवसेना उपजिल्हाप्रमुख स्वप्निल भाऊ परदेशी यांच्या पुढाकाराने रस्त्यांचे काँक्रीटीकरण करण्यात येत आहे. या महत्त्वाकांक्षी कामाचा शुभारंभ रविवार 30 मार्च 2025 रोजी सकाळी 11.45 वा. ॐ व्यंकटेश कॉलनी आणि टेलिफोन नगर, जळगाव येथे करण्यात आला.

या भूमिपूजन सोहळ्याचे उद्घाटन महाराष्ट्र राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री माननीय गुलाबरावजी पाटील साहेब यांचे चिरंजीव आणि जिल्हा परिषद सदस्य प्रताप भाऊ पाटील यांच्या शुभहस्ते संपन्न झाले. या वेळी शिवसेना महिला जिल्हाप्रमुख सरिताताई माळी कोल्हे, शिवसेना उपजिल्हाप्रमुख स्वप्निल भाऊ परदेशी यांची प्रमुख उपस्थिती होती. तसेच संकेत कापसे, अनिकेत चौधरी, सचिन हिवराळे, यश सोनवणे, सागर पांगळे, अजय चौधरी, बापू मराठे, भूषण अत्तरदे, सचिन कोल्हे, शेखर चौधरी, मोहन चौधरी यांच्यासह अनेक कार्यकर्ते आणि स्थानिक नागरिक मोठ्या संख्येने उपस्थित होते.

गुढीपाडव्याच्या मुहूर्तावर नागरिकांसाठी विकासाची भेट

प्रभाग क्रमांक 12 मध्ये रस्त्यांची अत्यंत खराब परिस्थिती लक्षात घेऊन शिवसेना उपजिल्हाप्रमुख स्वप्निल भाऊ परदेशी यांनी हा मुद्दा गांभीर्याने घेतला आणि स्वतः पुढाकार घेऊन हा प्रकल्प हाती घेतला. नागरिकांच्या दैनंदिन जीवनातील गैरसोयी दूर व्हाव्यात, अपघात टाळता यावेत आणि सुरक्षित व सुकर वाहतुकीसाठी दर्जेदार रस्ते उपलब्ध करून द्यावेत, हा त्यांचा मुख्य उद्देश आहे.

यावेळी बोलताना स्वप्निल भाऊ परदेशी म्हणाले, “जनतेच्या गरजा लक्षात घेऊन, त्यांची गैरसोय दूर करण्यासाठी आम्ही सदैव तत्पर आहोत. प्रभाग क्रमांक 12 मधील नागरिकांना चांगल्या सुविधा मिळाव्यात, यासाठी हे काम हाती घेतले आहे. भविष्यातही जळगाव शहराच्या विकासासाठी प्रयत्नशील राहू.” त्यांनी जळगाव शहरातील सर्व नागरिकांना आणि प्रभाग क्रमांक 12 मधील रहिवाशांना नवीन वर्षाच्या मराठी गुढीपाडव्याच्या हार्दिक शुभेच्छा दिल्या आणि या विकास प्रकल्पाच्या माध्यमातून शहरवासीयांना गुढीपाडव्याच्या शुभमुहूर्तावर एक महत्त्वपूर्ण भेट देत असल्याचा आनंद व्यक्त केला.

या प्रभागातील नागरिकांनी देखील या कामाचे स्वागत केले असून, या पुढाकाराबद्दल स्वप्निल भाऊ परदेशी आणि संपूर्ण शिवसेना कार्यकर्त्यांचे आभार मानले. स्थानिक रहिवाशांनी आनंद व्यक्त करत सांगितले की, हा प्रभाग अनेक वर्षे दुर्लक्षित राहिला होता, मात्र आता शिवसेनेच्या पुढाकाराने आणि स्वप्निल भाऊ परदेशी यांच्या प्रयत्नाने चांगले रस्ते मिळणार आहेत.

हा रस्ता प्रकल्प वेळेत आणि गुणवत्तापूर्ण पूर्ण करण्याचा निर्धार करण्यात आला असून, लवकरच रहिवाशांना या नव्या रस्त्यांचा लाभ मिळणार आहे.