जळगाव येथील शासकीय पुनर्नियुक्त माजी सैनिक संघटना, महाराष्ट्र राज्य यांच्या नाशिक विभागाचे उपाध्यक्ष किशोर पाटील (से. नि. नायब तहसिलदार) यांचा शेगाव येथे संघटनेच्या राज्यस्तरीय अधिवेशन आणि वार्षिक सर्वसाधारण सभेत सत्कार करण्यात आला.
किशोर पाटील यांनी संघटनेच्या राज्य कार्यकारणीत सक्रिय भूमिका बजावली आहे. त्यांनी संघटनेच्या प्रचार, प्रसार आणि विस्तारासाठी महत्त्वपूर्ण कार्य केले असून, संघटनेच्या ध्येयधोरणा आणि न्यायाचे मुद्दे शासनासमोर योग्य वेळेवर मांडले. तसेच संघटनेला आर्थिक समृद्धी प्राप्त करण्यासाठी त्यांनी विविध प्रयत्न केले आहेत.
संघटनेच्या पदाधिकाऱ्यांनी त्यांच्या कार्याचे आणि योगदानाचे कौतुक करत, त्यांना संघटनेतर्फे सन्मानित केले. याव्यतिरिक्त, किशोर पाटील हे सामाजिक कार्यात देखील नेहमीच अग्रगण्य राहिले आहेत, आणि त्यांच्या कार्याचा अनुभव संघटनेसाठी भविष्यातही उपयोगी पडेल, असा विश्वास मान्यवरांनी व्यक्त केला.
राज्यस्तरीय अधिवेशनात त्यांच्या सत्कारामुळे सर्व स्तरांवर किशोर पाटील यांचे अभिनंदन करण्यात आले आहे.
