भुसावळ शहरातील एका धक्कादायक प्रकरणात जावयानेच सासऱ्याच्या घरावर डल्ला मारून २९ लाखांच्या दागिन्यांसह रोकड चोरल्याचा प्रकार उघडकीस आला आहे.
घटनेचा तपशील:02 डिसेंबर 2024 रोजी दुपारी 2 ते रात्री 10 या दरम्यान, सोमनाथ नगर, शिवशक्ती कॉलनी येथील अनिल हरी ब-हाटे यांच्या घरातील मागील लोखंडी खिडकी तोडून चोरट्याने प्रवेश केला. 33 तोळे 5 ग्रॅम वजनाचे सोन्याचे दागिने आणि 2,60,000/- रुपये रोख असा एकूण 28,55,000/- रुपयांचा मुद्देमाल चोरट्याने लंपास केला.पोलीस तपास व कार्यवाही:घटनेची नोंद भुसावळ बाजारपेठ पोलीस स्टेशनमध्ये गुन्हा क्रमांक 458/2024, भारतीय दंड विधान कलम 331(4), 331(3), 305(अ) अंतर्गत दाखल करण्यात आली.पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते आणि उपविभागीय पोलीस अधिकारी कृष्णात पिंगळे यांच्या मार्गदर्शनाखाली पो.नि. राहुल वाघ यांनी गुन्हे शोध पथक तयार केले.गुप्त माहितीच्या आधारे तपास करताना सासऱ्याचा जावई राजेंद्र शरद झांबरे हा कर्जबाजारी असल्याचा सुगावा लागला. त्याला ताब्यात घेऊन विचारणा केली असता गुन्ह्याची कबुली मिळाली.चोरीचा माल हस्तगत:राजेंद्रकडून 21,05,000/- रुपयांचा माल जप्त करण्यात आला असून, उर्वरित 7,50,000/- रुपयांच्या सोन्याच्या दागिन्यांचा तपास सुरू आहे.गुन्हे शोध पथक:पो.उपनिरीक्षक मंगेश जाधव, पोहेका विजय नेरकर, निलेश चौधरी, रमण सुरळकर, उमाकांत पाटील, सोपान पाटील, प्रशांत परदेशी, भुषण चौधरी, राहुल वानखेडे, योगेश माळी आणि जावेद शहा यांनी ही यशस्वी कारवाई केली.परिणाम:सदर प्रकरणात पोलिसांनी वेगवान तपास करून सुमारे २१ लाखांचा माल हस्तगत करत गुन्हा उघडकीस आणला आहे.
